政情：羅啟妍踩過界設計家具

話說羅啟妍近年收藏咗好多著名嘅設計師櫈，仲出咗幾本有關家具及生活環境嘅書籍。佢話設計一張櫈絕對唔容易，依家仲未試過自己單獨設計一張櫈，但有同其他人合作，嚟緊仲會有講座討論五位著名中日家具設計師嘅作品。

大學時修讀歐洲歷史嘅羅啟妍仲話，中國家具設計、甚至擺設方法都有一套特定方式，其中圓背嘅圈椅就啟發唔少現代設計，好值得研究。而佢最初都係因為希望將街上買到嘅古董，變成日常可佩戴嘅飾物才踏上珠寶設計之路，為歷史物品賦予新生命融入生活中，而家具及擺設正是另一種歷史傳承及見證。