傳中學生攝巴士站長惹不滿
【專案組報道】手機拍片再放上網公審已成為一大「武器」，但隨時物極必反。網上流傳一條短片，一名身穿便服，被九巴車長形容為「投訴王」的中學生，不知何故開機拍攝一名巴士站長，站長不滿，遂反拍中學生，最後中學生敗走。
互罵投訴對方 遭反拍敗走
該中學生於將軍澳一巴士總站，拿出手機拍攝一名巴士站長。被拍片的站長原本坐在休息室，即時走出休息室外用手機反拍。中學生其後直斥：「你做咩唔畀我影呀？有咩事慢慢傾，我會用電郵嚟投訴你。」站長即反擊：「你識投訴我唔識投訴呀？我走去學校搵你嘅先生，搵埋你校長。」
中學生見身份敗露，即極速逃走，站長緊追，並大聲斥喝：「你成日煩啲Car佬，投訴啲司機，搞到啲司機無心情揸車，（我哋）係咪得罪你，有咩對你唔住？你唔好走，我知你邊度住，知你邊度讀書，我搵你校長。你得閒讀吓書啦！做吓家務啦！」該中學生初時不知如何應對，之後又再拿出手機拍片，「我會同交通諮詢委員會同九巴投訴。」站長反駁：「搵埋梁振英吖。」
網民睇片後，有指巴士站長做法正確，「如果個巴士佬講嘅屬實，支持。」亦有網民指站長態度惡劣，「巴士佬好惡呀」，「揸你嘅車啦巴士佬！喺度幫人教仔！」