「佛你跑」選手齋菜纜車全免
【本報訊】「佛你跑」第二屆慈善越野跑賽事，將於十一月五日於大嶼山昂坪舉辦，今屆名額倍增至二千個，跑手除可沿途飽覽昂坪和彌勒山美景，又可免費享用寶蓮寺齋菜及乘搭360纜車或大嶼山巴士。七十一歲的寶蓮禪寺都監健釗長老第二度參賽，練跑三年的長老笑言跑步練氣，與參禪學打坐同理，旨在放下雜念，提醒參加者，跑步秘訣關鍵在於「慢柔」。
參賽長老：拜佛唔喘氣 唱經順晒
長老又稱：「以前肚腩凸晒出嚟，拜佛要五體投地，拜三拜起身後，喘晒氣，唱經都唔順。」練跑後，長老說「皮帶唔見咗四、五個窿」，三高受控、精神改善，今年更會挑戰毅行者，爭取卅小時內完成賽事。
賽事分為兩公里、六公里和八公里的賽事，將途經昂坪和彌勒山，其中兩公里賽設親子組、學生組和先進組，主要是平地賽事；後兩者賽道延伸至彌勒山郊遊徑，八公里賽道更可遠眺東涌市鎮。所有賽事尾段都會登上天壇大佛一段二百幾級的樓梯，考驗跑手耐力。今屆至目前為止最年長參賽者為八十九歲、來自澳門的呂婆婆，她會參加六公里賽事，連同其他年長跑手，主辦單位寶蓮禪寺會安排義工陪跑。賽事報名費由二百八十至四百元不等，正接受報名、額滿即止。
大會今年又作出「佛你太太跑」呼籲，鼓勵女性「顧住頭家」之餘，亦要養成恒常運動習慣。受丈夫啟發的張太四年前接觸跑步，去年更與任職上市公司主席的丈夫完成撒哈拉沙漠二百五十公里超級馬拉松：「依家每逢星期六、日，都會一齊操山，六到八個鐘嘅相處時間，梗係增進感情啦！」另有太太分享跑步後大瘦身，心身俱受益。