政情：邵家臻「好戇」入議會「淆底」
立法會社會福利界一場混戰下，邵家臻最終以四千六百多票勝出。尚餘不足一個月就進入議會，雖然佢自稱係「淆底獸」，要「帶住淆底入議會」，又話自己「好戇」，容易受騙，但亦可以好激，佢強調進入議會嘅首要目標係改革整筆過撥款，甚至呼籲喺立法會討論整筆過撥款議案當日，發動業界罷工。
擔心出醜影響議會質素
邵家臻接受傳媒訪問時指喜歡自己嘅「戇」，因為有人能喺佢身上佔到便宜係一種福氣，又話：「我好易畀人呃，畀人知我係傻仔，唔緊要；但如果入咗議會畀人呃，傷害咗我代表嘅弱勢社群，就唔可以。」而喺當選後，佢話要「帶住淆底入議會」，既擔心自己點樣成為有質素嘅議員，又擔心議員不斷出洋相，令議會質素變差中咗「攬炒」嘅局。
雖然一方面佢話要「帶住淆底入議會」，但佢話進入議會後首要目標係改革整筆過撥款，目標喺短時間內提出一個建議，再寫出議案，再辦業界公投，呼籲喺立法會討論整筆過撥款議案當日發動業界罷工。