政情：「發仔」參選慳家背心循環用

立法會選舉結束剛好半個月，各黨派參選人陸續申報選舉開支，由於選舉工程浩大，一般參選人都需要花時間預備申報工作。不過，自動當選議員嘅開支申報就相對輕鬆，兩名自動當選嘅候任議員開支率先公布。其中，候任鄉議局界別議員劉業強非常環保，選舉期間將背心重用。

劉業強嘅選舉開支僅花費二千六百零七元，全數用作選舉聚會之開支。其中，有五十元係屬於舊物背心重用，其餘嘅二千五百多元，係與其所屬政黨其他六張參選名單所攤分嘅費用，用作舉行誓師活動之用。

同樣係自動當選嘅候任工業界（二）議員吳永嘉，喺整個選舉期間只花費聘請顧問公司，喺七月十六日至九月四日期間、為期約個半月向其提供選舉顧問服務。雖然佢只作出一項申報，但金額卻是劉業強嘅十一倍，合共三萬元，選舉工程果然係豐儉由人！