政情：公民講場：橫洲發展爭議「茂」「炳」o依o依哦哦

元朗橫洲發展計劃風波及爭拗沒完沒了，到底元朗橫洲要發展多少個公營房屋單位，至今仍然係唔清唔楚！政府早於一三年表明橫洲發展會提供合共一萬七千個單位，點知到一四年竟然將發展規模縮減至四千個單位，大拿拿冇咗一萬三千個單位，究竟件事係點嘅呢？候任立法會議員朱凱廸及姚松炎尋日就上門向政府追數，點知發展局局長陳茂波同運輸及房屋局局長張炳良o依o依哦哦，話嗰一萬三千個單位唔會冇咗，會分階段發展喎！其實興建幾多單位，當中包括幾多公屋及居屋，以及分幾多期興建，計劃應該寫得好清楚，總之男人就係男人，女人就係女人，無理由兩個主要官員到呢刻都交代得唔清唔楚，難怪畀人質疑官商鄉黑勾結喇！