政情：今日你上鏡：柯仔 哪吒 選戰當減肥

一場立法會選舉消耗候選人大量心神及體力，好似新當選嘅候任九龍東議員柯創盛（柯仔），選後明顯瘦咗成個圈，佢話選舉期間經常要「晨操晚練」，由朝到晚做到無得抖，加上食無定時，搞到瘦咗足足十五磅，依家啲褲鬆晒，完全唔啱着，一定要加條皮帶先得，但瘦啲健康啲，佢就希望保持落去嘞！唔知面對立法會出名好味嘅自助餐，柯仔又能否抵受得住誘惑，極速肥番呢？
柯創盛
柯創盛

至於三戰新界東都鎩羽而歸嘅方國珊（哪吒）亦都減磅，佢尋日喺facebook（fb）上載一張照片，見佢拉開寛鬆嘅褲頭，個肚好似凹咗入去咁，雖然佢冇講瘦咗幾多磅，但就留言話：「參選立法會，唯一廣受女性歡迎的是免費減肥！」好明顯哪吒係自我安慰。有網民就話：「但（減肥）成本要成過百萬（元）」，又指「你跌咗幾多百萬話？」意指哪吒花咗好多選舉經費去減肥囉！

方國珊
  • 方國珊

第一手消息請下載on.cc東網iPhone/iPad/Android/Windows Phone Apps