政情：公民講場：郭紹傑「病假」佔中 李美嫦縱容懶查

申訴專員公署前日炮轟康樂及文化事務署旗下嘅救生員請假及遲到失控，導致人手不足而令泳池關閉，浪費公帑及為市民帶來不便。搞成咁，唔止係康文署署長李美嫦管理差咁簡單，更離譜嘅係發起多次罷工嘅港九拯溺員工會發言人郭紹傑，佢喺一三年九月報稱工作時斷鎖骨，其後就領取病假至一四年年底，但就喺一四年九月底爆發嘅佔領行動期間，擔任金鐘佔領區糾察長，更做埋壹傳媒黎智英（漢奸黎）嘅貼身「睇場」，呢頭話整傷鎖骨返唔到工，但期間「勇武」保護漢奸黎，惹起外界質疑佢「呃」病假，但李美嫦都冇主動調查喎，依家咪自食惡果囉！