政情：民記「雙學」揸槍 瞄準泛民？
中西區區議會副主席陳學鋒尋日喺Facebook上載咗一張自己與同屬民建聯嘅中西區區議員楊開永手持突擊步槍嘅合照，兩人陰陰嘴笑，莫非暗示準備向泛民主派開火？
其實呢幅相係兩人早前出席摩星嶺獅子會活動時拍攝，陳學鋒話摩星嶺有軍事遺迹，但係多年來都係War Game人士嘅熱門場地，搞到周地都係垃圾及氣槍BB彈。而摩星嶺獅子會就會派人上山打掃及清潔遺迹，佢亦上山執過BB彈，非常辛苦，所以呼籲市民唔好再當摩星嶺係War Game場喎！
二次世界大戰期間，摩星嶺係英軍保衞香港嘅重要據點，陳學鋒話揸住支槍係為咗紀念英軍。