中環出更：運動減壓 莊莎娜迷上滑浪

Sarah話，早前佢跟健身教練學玩滑浪，估唔到都幾有天分，愈玩愈興起。咁啱最近佢忙於為新小說埋尾，又密鑼緊鼓準備發表自己品牌嘅鑽飾系列，壓力唔細，玩滑浪時乜都唔諗，身心完全放鬆，所以減壓效果一流。估唔到Sarah望落好嬌柔，查實運動細胞一啲都唔弱喎。

李俊亨搏擊曾奪魁

運動細胞發達嘅仲有萬希泉專門店主席李文偉嘅兒子李俊亨（Henry）。Henry係飛機師，揸過一年幾客機，後來因為要幫手打理家族生意先至轉行。近年Henry拜師學搏擊，結果成績唔錯，曾獲香港散打賽冠軍。Henry話，最近佢同泰拳師傅籌備搞一場綜合搏擊慈善賽，一來為香港壽臣山獅子會提供戒毒中心及山區兒童服務籌募經費，二來希望藉此推廣綜合搏擊係種健康及安全嘅運動，唔會好似以前打到落花流水咁殘忍。

莊菲娜（左）及莊莎娜（右）首次參與腕錶設計，楊華勇（中）現身打氣。（余素月攝）	李俊亨玩搏擊，有姿勢有實際。（受訪者提供）	李俊亨（右）打拳、揸飛機都識，萬希泉執董沈墨寧（左）猛讚佢叻。

百仁基金副會長楊華勇都有到場支持太太莊菲娜，佢笑稱呢隻「蝶戀玫瑰」陀飛輪鑽錶嘅誕生，佢都有一、兩滴汗水嘅功勞，事關太太曾經諮詢過吓佢嘅意見喎！

卓妮