政情：今日你上鏡：娥姐 「戀後」 守身如「玉」 男粉絲冇得影相

因一幅「娥頸橋之戀」合照而引起全城熱話，「女主角」立法會新界東參選人陳玉娥（Jenny）尋日被問及選舉後有否與其「戀情」男主角候任議員楊岳橋（AY）聯絡，Jenny話因太多傳媒想追問「戀情」，所以公平起見下不作回應。不過，Jenny透露，成為「網絡紅人」後，有支持者搵佢合照，但男支持者就一律慘食「檸檬」。原來與Jenny合照係有「規矩」嘅，只有女性才能合照，男性就連靠邊企嘅合照都未能獲Jenny首肯。問佢係咪只與AY合照，Jenny話之前已回應有關「娥頸橋之戀」，所以唔回應喇！