政情：顏寶鈴孟國派油幾乎斷市

顏寶鈴話，去到孟加拉開廠，其中一樣要適應嘅就係當地人主要信奉伊斯蘭教，除咗唔食豬肉外，仲會嚴守齋戒月。不過，佢擔心員工唔食嘢又要工作會頂唔住，所以喺齋戒月更改工作時間，朝早七點返工，下午三點左右就放工，等啲員工可以早啲返屋企休息。

唔單止咁，早幾日係孟加拉嘅斬牛節，顏寶鈴就派福袋畀員工，入面有米、奶粉及兩斤食油，計番三千五百個員工，即係至少派咗七千幾斤油，搞到附近一帶食油幾乎斷市！雖然顏寶鈴在外地設廠，但佢就話依家香港生意難做，最擔心係勞工界要求訂立標準工時，所以佢寧願最低工資加多啲，以助打工仔應付物價高企。