政情：今日你上鏡：謝偉俊 柯創盛合照鬥靚仔

立法會選舉上星期結束，當選嘅議員亦將會由競爭對手變成議會同事，成功連任嘅九龍東議員謝偉俊（Paul）尋日就上載咗一張與同區另一候任議員柯創盛（柯仔）嘅合照，仲問網民佢同柯仔邊個靚仔添！不過，張相有「出貓」之嫌，事關相中柯仔個頭特別大，而且雙下巴盡現，令人質疑阿Paul係有意拎柯仔張樣衰相作比較咁。阿Paul就解釋話，係因為學緊Selfie（自拍）唔識揸機，又話肯定唔係個人問題，希望兩位玩得之餘，亦都可以喺議會好好合作喇！