政情：「特別技巧」梁逸峰成最佳辯論員
尋日喺香港理工大學舉行第十八屆《基本法》全港大專生辯論賽決賽，其中一名辯論員甫出場即引起全場細語，佢就係曾經因為以「特別的朗誦技巧」而遭網民瘋傳恥笑嘅梁逸峰。不過，梁逸峰尋日並未重施故技，而是靠辯才獲得決賽最佳辯論員，但其隊伍則屈居亞軍。
六年前朗誦片段遭恥笑
梁逸峰在二○一○年一段朗讀孟浩然《宿業師山房待丁大不至》及晏幾道《南鄉子》嘅影片中，由於誇張嘅表情，惹來網民瘋傳恥笑。然而，事隔六年，梁逸峰在辯論賽中未有重施抑揚頓挫嘅表達方式，惟招牌表情一如以往，可惜係佢只擔任最後嘅總結辯論，未有機會與對壘嘅辯論員開火交鋒。
梁逸峰解釋，朗誦係「情」，所以要投入感情，而辯論講「理」，因此要收斂情緒，並非因為曾經遭網民恥笑而改變自己嘅表達風格。
現正就讀浸會大學中文系嘅梁逸峰，今年係大學生活最後一年，佢話一早想加入辯論隊，卻被拒諸門外，遂與幾名同學組成聯隊參賽，結果成功打入決賽。