政情：今日你上鏡：何猷啟踢波傷額無損熱情

早幾日我哋見到東華三院總理何猷啟出席活動時額角位置貼住塊膠布，原來係早前踢波時擦損，佢話間中都會踢波，多數踢翼鋒位置，笑言做運動耐不耐都會受輕傷，唔怕破相喎！咁又係，男人有啲疤痕都係型嘅。不過，唔好以為佢咁講就代表佢唔貪靚，其實佢都好着重儀容，仲話嚟緊想減肥十磅，等身形睇落再弗啲喎，所以依家開始會盡量飲食清淡，夜晚食少啲。