政情：公民講場：寨卡殺到如在夢中 高永文踢極唔郁

新加坡寨卡疫情日趨嚴峻，當地本土感染個案於短短五日內增至一百一十五宗，而馬來西亞尋日亦證實當地出現首宗寨卡病例，而嗰名女子又係曾經到訪新加坡。澳洲、台灣同南韓早前已先後向當地發出旅遊警示，美國亦發出旅遊警告，唯獨本港食物及衞生局至今仲未向保安局就發出外遊警示作出明確建議，有學者批評港府凡事後知後覺，有醫學界人士亦要求當局向公眾解釋唔發警示嘅原因。寨卡殺到埋身，各方都質疑食衞局點解踢極都唔郁，唔通局長高永文仲喺度發緊夢，以為市民練咗鐵布衫蚊都咬唔入？