中環出更：一日七踩場 聲討漢奸黎賣港

首批約二十名聲稱自發人士尋日約十一時抵達漢奸黎寓所外示威，佢哋手持印有「驅逐賣港奸賊」、「打倒牛鬼蛇神」、「聲討無良傳媒」紙牌同貼有「肥佬黎漢奸」字句嘅吹氣公仔，大叫「打倒肥佬黎」、「抵制壹傳媒」等口號，又用棍棒打及用腳狂踢吹氣公仔。佢哋喺約三時再折返示威。

Mark Simon遭包圍怒罵

另一批自稱「旺角盟友」嘅團體，約三十人喺中午到場示威，佢哋帶有元寶、香燭、溪錢同「美國護照」等道具，然後打小人、大撒溪錢，焚燒「美國護照」，又用揚聲器大播哀樂。

期間漢奸黎左右手Mark Simon駕駛座駕抵達黎宅時，示威者一度將佢包圍及怒罵，警員曾到場了解及替佢開路。示威者喺下午約五時又再到場以自發人士身份抗議。

相隔不足一小時，第三批二十名聲稱自發嘅示威者到場作無聲抗議，佢哋高舉漢奸黎及其他泛民人士嘅海報，海報寫有漢奸黎推動佔中亂港，並以金錢操控泛民嘅字句。其後喺六時左右，佢哋又再返回黎宅門外繼續抗議。

第四批示威者約於三時到場，高舉「排清淫禍黑毒　剷除毒傳媒　肥黎滾出香港」橫額，以及「反黑金」、「港獨無恥」、「肥黎滾出香港」標語抗議。

卓妮