政情：八網難逃：李家仁年底跳出廣州征南極

綽號「小明」嘅兒科醫生李家仁以「小明上廣州」打出名堂，不過近年小明愈行愈遠，繼去澳洲之後，十二月將到極地探險。話說小明早前出席活動時與身兼極地探險家嘅香港紅潮研究專家何建宗聚首，講起嚟緊會跟對方到南極，首次去極地嘅小明好多嘢未準備，包括未知要帶咩行裝，又頭痕緊相機電池嘅問題，仲有最重要嘅係要鍛煉體能。何建宗就叫佢每日行返工，但小明笑言「過海隧道點行呀？」唯有每朝喺停車場行半個鐘訓練腿部肌肉，費事到時行雪地行得最慢，喺隊尾好似企鵝咁就唔好喎！