中環出更：廿人無聲抗議漢奸黎亂港

黎匿藏多時 昨夜返寓所

昨早十一時，約廿名自發人士抵達漢奸黎位於何文田寓所外示威，佢哋手持印有「黎智英密捐巨款推動佔中」字眼嘅標語牌，以及印有漢奸黎肖像嘅紙牌，進行無聲抗議，逗留約廿分鐘後和平散去。事隔四小時後，同一批示威人士約於下午三時十五分再到漢奸黎寓所外示威，佢哋繼續舉起紙牌，進行無聲抗議，逗留約十五分鐘後離開。及至晚上約八時，久未露面嘅漢奸黎終於現身返回寓所，正所謂「避得一時唔避得一世」，漢奸黎遲早會遇上團體當面示威抗議。

近期針對漢奸黎嘅抗議行動不絕，連同尋日抗議行動在內，自六月十日起計，到其寓所及將軍澳壹傳媒大樓外抗議次數最少達五十三次，當中有自稱霸王國際集團員工及苦主佔十次、正義聯盟佔三次，包括旅遊業界同其他人士則有四十次。

卓妮