政情：公民講場：ICU護士大逃亡 梁智仁閉翳

公立醫院嘅醫護人手短缺已經唔係新鮮事，醫院管理局主席梁智仁三番四次話會從多方着手，紓緩人手不足嘅問題。然而，情況未見改善，更爆出連多間公院專責拯救垂危病人的深切治療（ICU）亦爆發「逃亡潮」，新界東龍頭嘅威爾斯親王醫院，最新ICU護士流失率回升至百分之六點六，創三年新高，而九龍中龍頭嘅伊利沙伯醫院更將會喺一個月內連走四名護士，再喺咁落去，極可能影響到臨床服務。依家人手壓力爆煲，真係十萬火急，唔通梁智仁真係束手無策？快啲諗吓仲有乜板斧可以挽留護士，同增加醫護新血喇！