日前喺一個活動上見到立法會前工程界議員何鍾泰，原來佢有十二項有關工程嘅專業資格，聽起上嚟，真係沙紙多到嚇死人呀，唔通佢讀書真係好叻？佢就話自己馬馬虎虎啦，不過，以前讀書都考三十名以內，考到兩個獎學金去讀港大，以前無論考試、考車牌，連求婚都係「一take pass」o架！佢又話讀書最緊要就係任何時候都要動腦筋，唔好死讀書，要識點運用，同埋要休息喎，自己初中嗰陣九點前就瞓，預科就九點半，而大學就十一點半，至於依家，只要冇得睇英超都會好早瞓o架！
