奧運專題：犯眾憎！蘇施黃叫黃鎮廷茂利
香港運動員不是「茂利」！電台主持人蘇施黃日前於其節目中，公開稱港乒「一哥」黃鎮廷是「茂利」，認為他比賽衣着「哩啡」；又指單車隊戰衣的紫荊花圖案位置像乳暈，黃鎮廷回應時稱戰衣最緊要舒適，又反問：「難道要為外觀而比賽？」
阿廷反擊：參賽為外表？
蘇施黃的「茂利論」一出即惹眾怒，不但網民一面倒插爆其言論有欠尊重，前香港劍擊奧運代表李忠民亦透過facebook發表《致蘇絲（施）黃的公開信》，強調「請尊重所有運動員」及要求對方「好好了解一下體育再批評」，當事人黃鎮廷接受本報訪問時亦稱：「首先多謝佢關注香港乒乓球隊，我唔會唔開心，喺比賽場上，我覺得咁樣最舒服，對比賽有好嘅發揮，唔會理人點睇，以前都有球迷覺得我咁樣比賽夠豪放！」
「阿廷」認為，蘇施黃目光應放在運動員的成績上，而非衣着外觀：「運動員要嘅難道唔係呢啲（指成績）？唔通要為外觀比賽？」而單車隊代表梁峻榮亦解釋，灰色戰衣是為了令車手「隱身」賽道，更易去避開對手視線執行戰術，又強調作為運動員，只需做好自己：「運動員一生追求嘅價值，背後代表着一種可感染他人嘅精神，多難都要堅持，學懂做人比做任何事更重要。」
蘇施黃：「我都叫茂利」
面對多方指摘及回應，蘇施黃昨日於其節目一開始就道：「茂利茂利，各位茂利好，我日日都會叫人茂利，自己都叫自己做茂利，所以無嘢講喇！」不願為失言道歉，結果惹來更多網民批評。