大部分人不論喺社會上擔任乜嘢角色，都會為生活而煩惱。而內地模特兒程程認為，既然點樣都要努力生存，倒不如瀟瀟灑灑咁生活，何必為多餘問題而煩惱。阿妹性格夠樂天，我鍾意！
嚟自重慶嘅21歲程程，英文名Kiren，網名叫做「Kiren_程程程」，咪睇佢年紀輕輕，其模特兒經驗相當豐富。佢樣子甜美迷人，加埋35-24-36嘅三圍數字，不論從乜嘢角度嚟睇，都叫男人興奮無比。阿妹擁有如此前凸後趷身材，幸好佢一啲都唔介意將天賦本錢展現喺大家眼前，喺佢嘅寫真集中，以極限超性感造型示人，胸前兩點僅以乳貼遮掩，而下身穿着丁字褲，將誘人魅力盡情發放。如此性感撩人並且激發大家唔少幻想嘅造型，固然叫人驚喜萬分，配合眼神流露出妖媚味道，嗰種挑逗性更係叫人把持不住，難怪佢每次有新寫真推出，都會引起網民熱烈討論。除咗喺寫真界中大放異彩外，佢又以平面模特兒嘅身份喺唔同嘅媒體上亮相，包括汽車、體育用品、時裝等雜誌，另外佢又會喺展銷會上登場。為咗配合唔同活動嘅主題，佢經常以唔同嘅造型示人，每次都為大家帶嚟新鮮感。
按道理，既然佢擁有如此迷人身材，加上寫真模特兒嘅身份，展示天賦好身段係理所當然嘅事，只係使唔使去到咁盡，以極限嘅性感示人呢？可能有人覺得現今內地寫真界中索模輩出，想脫穎而出卻無吸引力嘅話，根本就冇乜機會。不過，阿妹並非因為咁嘅原因以極限性感示人，反而係同佢嘅人生座右銘有關。佢曾經講過：「讓我們紅塵作伴，活得瀟瀟灑灑！」意思即係既然活喺呢個繁華世界，會有好多煩惱事，不如活得瀟灑啲，反而會更加暢快淋漓。佢認為做每一件事，都要努力地向目標邁進，將所有嘅困難丟到一旁，先至可以活得自在。講就輕鬆，佢係咪真係做得到呢？據佢喺微博透露，早前喺工作上遇到挫折，仲話因為呢件事幾乎令佢嘅夢想破滅，之後佢有一段日子冇喺微博上Po文。正當大家以為佢會從此消失嘅時候，最近佢終於蒲頭同粉絲打招呼，雖然睇得出佢仍然有啲悶悶不樂，但係能夠重新振作確係好事，希望佢未來嘅發展能夠順利，為大家拍更多寫真啦！
出生地：重慶
身高：168cm
三圍：35、24、36
簡介：雖然程程喺寫真中以極度誘人嘅性感形象示人，但私底下嘅佢卻係個熱愛生活嘅人，佢早前去咗四川省甘孜藏族自治州旅行，影咗唔少靚相擺上微博同粉絲分享，不過佢表示呢次旅行嘅目的唔係玩，而係去修行。如果大家想了解阿妹多啲，就要緊貼佢嘅微博喇。
網址：http://www.weibo.com/u/5396107025?is_hot=1
撰文：魂