數碼電台dbc執笠提出交還牌照，成為第二間「止蝕離場」嘅數碼電台。收聽電台嘅人愈來愈少，但係政府未有考慮好市場嘅接受能力，就匆匆批出牌照，利用業界為數碼廣播試水溫，dbc行政總裁羅燦更批評政府翹埋雙手未有推出政策配合，任由業界自生自滅，結果不足六年就得番新城同港台繼續提供數碼廣播。不過，主責嘅商務及經濟發展局局長蘇錦樑當然死撐啦，話政府為咗數碼廣播既設發射站又有宣傳，已經是幫到盡，仲話電台執笠係商業決定，真係大講風涼話！
