網傳大肚婆夥同黨搶手袋
【本報訊】佐敦疑出現「真大肚婆搶手袋黨」！女事主日前上班途中遇到一名孕婦，見對方感到不適，遂上前協助，怎料疑是孕婦同黨的女子突然出現，並企圖搶女事主手袋，事敗逃走時，竟把女事主推出馬路，導致她雙腳受傷。據女事主形容，兩人均操普通話，其中孕婦估計懷有五個月身孕。事件在網上立即引起熱烈討論，短短數日已有近一千三百個分享，紛指孕婦濫用市民同情心，擔心再無港人願意在街上幫助別人。
扮不適博攙扶 事敗發難
李小姐本月八日在其facebook貼文，指「今日返工途中，遇到一個大肚婆唔舒服！我去幫她的時候，有人從後面搶我個袋！我第一反應，叫搶嘢！後來她們見事敗！搶我個袋既（嘅）女人推左（咗）（我）出馬路，大肚婆&（及）個女人立即走左（咗）！我左腳受傷，右腳摔傷！好心幫人，點知做錯事！」
被推出馬路 苦主扭傷腳
據李小姐形容，兩人操普通話，相信來自內地，「當時個大肚婆，靠着我，我扶着她！佢個肚係千真萬確呀！」又指該名孕婦應有五個月身孕。她又指「這件事發生，只怪自己無再醒目些！因為無防範過兩個人係同黨，亦無想過一個大陸的大肚婆，可以為錢做到咁盡啦！」她又指，「當時推我出馬路的女人，扶着大肚婆一齊走呀！」又謂，「我幫人，幫到賊囉，叫其他人小心d（啲）！」還稱，「今日我以為自己係（喺）大陸呀！」
有網民表示，「啲人咁賤格㗎，利用人哋嘅同情心！」「好恐怖，香港點解會變成咁？」亦有人指「大陸人落嚟香港呃呃騙騙，就係大陸人嘅欺騙伎倆，愈會令到將來香港冇人夠膽做好人！」「好得人驚，搞到香港人唔敢好心幫人」。