中環出更：聲討愈演愈烈 漢奸黎「禍港殃民」
聲討壹傳媒黎智英（漢奸黎）嘅怒火愈燒愈烈，繼前日約二十人踩上漢奸黎位於何文田嘅寓所外，炮轟漢奸黎係「港獨金主」後，尋日早上再有為數約三十人、自稱係自發人士到場示威，佢哋展示橫額和紙牌，怒斥漢奸黎黑金亂港，係千古罪人。
示威者腳踢「漢奸黎狗」
該批男女約於上午十一時半抵達漢奸黎寓所外，即場展示寫有「黑金亂港 黎狗無恥」、「千古罪人黎智英」及「無良壹傳媒」字句嘅橫額，亦手持寫上「禍港殃民」、「千古罪人」、「黎智英大魔頭」的紙牌抗議。之後各人更將印有漢奸黎卡通頭像嘅狗形吹氣膠公仔放在地上，用腳踢向吹氣狗洩憤，行動持續約半小時後，示威者才散去。
近期針對漢奸黎嘅抗議行動不絕，包括尋日嘅行動在內，自六月十日起計，到其寓所及將軍澳壹傳媒大樓外抗議嘅次數最少達三十三次，當中有自稱霸王國際集團員工及苦主佔十次、正義聯盟佔三次，包括旅遊業界同其他人士則有二十次。
卓妮