要成為一個令男士神魂顛倒嘅模特兒，係咪一定要以性感造型展現出噴血火辣身材，先至可以勾起男士嘅遐想呢？內地寫真模特兒文靜擁有前凸後趷嘅誘人身材，除咗以天賦本錢迷惑大眾，其獨特斯文氣質亦相當吸引。
現年21歲嚟自北京嘅文靜，英文名Autism，今年初加入寫真模特兒界。論外形，佢絕對擁有成為萬人迷嘅條件，俏麗嘅五官加上玲瓏浮凸嘅身材，如此天賦外形，足以令唔少男士心動。不過，要喺競爭激烈嘅寫真界脫穎而出，單憑迷人嘅外形並唔足夠，仲要加埋與別不同嘅個人氣質。至於文靜嘅氣質係點嘅呢？佢喺寫真中經常以性感嘅造型示人，尤其鍾意展現激凸上圍，而當中散發出一種文靜淑女嘅氣質，從內而外滲透出嚟，呢種優雅味道正正有別於以野性同冶艷為賣點嘅寫真模特兒，早前佢就拍攝咗一輯寫真，予人清新脫俗嘅感覺。有人認為阿妹擁有呢種出塵氣質係同佢高學歷有關，而佢就係畢業於東北財經大學。當然呢啲只係網民嘅猜想，正如佢介紹自己時表示：「我想我是海，寧靜的深海，不是誰都明白。」姑勿論如何，可以肯定嘅係佢呢種迷人氣質，絕對迷倒一眾男士。
文靜憑住火辣外形同脫俗氣質，好快就衝出寫真界，喺網絡及各大媒體上亮相，此外佢參加咗模特兒比賽，如果能夠奪得獎項嘅話，相信未來發展會更上一層樓。對於一個新人嚟講，喺短短日子獲得如此成績，實在令人羨慕又妒忌，不過佢冇因此而感到自滿，佢表示：「輕易實現的不叫夢想。」咁阿妹有咩夢想呢？佢話：「我努力登高不是為了看到全世界，而是為了讓全世界看到我。」原來佢之所以不斷努力作多方面發展，目的係想證明自己嘅實力，希望得到全世界嘅認同。之但係無論幾努力向目標前進，當中總會遇到好多挑戰同挫折，而阿妹亦唔例外，佢表示：「有時候我會因為一句話脆弱的淚流滿面，有時候又發現自己咬着牙走了很遠很久。」不顧一切努力向前，正正係佢跨過種種困難嘅座右銘，正如佢所講：「這個世界上根本就不存在『不會做』這回事，當你失去了所有的依靠的時候，自然就甚麼都會了。」
簡介：文靜將火辣魅力及清新脫俗氣質糅合於一身，如果想知道呢兩種大纜扯唔埋嘅元素，點樣喺一個人身上展現出嚟，咁就要成為佢嘅微博粉絲，了解佢多啲喇。
網址：http://www.weibo.com/u/5491713598?is_hot=1
出生地：北京
身高：170cm
三圍：34、25、34
撰文：魂