政情：公民講場：Greg蘇「豬隊友」 搞邊樣衰邊樣

商務及經濟發展局局長蘇錦樑（Greg蘇）早排先畀即將退任立法會議員嘅廠商會林大輝，力插佢係建制派「豬隊友」、「搞乜衰乜」，點知話咁快現形。香港數碼廣播（dbc）尋日宣布，由於經營問題，會提早將數碼聲音廣播牌照交番畀政府，仲直斥政府最近先做下嘢，可惜太遲，影響整個數碼聲音廣播行業嘅發展。觀乎Greg蘇搞乜衰乜嘅背景，版權法無限期押後，電視發牌畀人寸用「一籃子」因素，變咗「蘇感動」，再加上dbc停播，佢認真黑仔囉，咁睇落去，數碼聲音廣播政策似乎都係凍過水喇！