維園百人黑夜喪追啟暴龍
【本報訊】「啟暴龍呀！得番九分鐘咋！」就是這一句話，幾百人夜麻麻在維園狂奔，Pokémon GO自上月在香港上架後，熱潮席捲全港，為了捉精靈，一大班人聚追精靈的畫面屢見不鮮，前晚出現數百人奔走，只為捉啟暴龍。為玩遊戲咁搏命，有網民揶揄「腦進水了」。
網民：港人乜都鬥
有關片段被上載至facebook群組「香港突發事故報料區」，只見一大群人在拔足狂奔，當中更見八、九歲男童的身影。據貼片者指，前晚十時忽然有人大叫「啟暴龍呀！得番九分鐘咋！」其後在維園的數百名訓練員即向大坑奔走。網民對片中訓練員的表現似乎不太認同，有人認為Pokémon GO的樂趣不應如此，不明白為何港人「點解咁鍾意鬥快，鬥數值，乜都一窩蜂」。有網民就指，如果是投票站尚餘九分鐘關門，有大班人跑去投票，就「真係含淚拍手掌」。有人更揶揄，今次人數「仲多過7‧1遊行」。