政情：八網難逃：肥老闆夠潮 「精靈」加餸

近期股市小回春，金融服務界立法會議員張華峰（肥老闆）似乎有斬獲，心情唔錯。尋日佢喺社交網站上載兩張相，影佢喺一間中式食肆開餐，成張枱都係餸。肥老闆仲跟貼全城捉精靈嘅熱潮，將喺餐廳搵到嘅金魚王及巨鉗蟹「上碟」然後合照，扮到好似食緊佢哋一樣，仲留言話：「唔理魚毛定蟹將，一於通殺。」佢仲話，如果AR（擴增實境）技術應用於炒股之上，唔知會點呢？肥老闆三句不離本行，若果炒股要通街行，咁佢一定減肥成功喇！