政情：陳穎欣為街坊想學手語
好多在職人士喺進修時都會修讀語言，但去年在區議會選舉擊敗民協老將馮檢基嘅工聯會小花陳穎欣（Joephy），做咗深水埗區議員後，就話連手語都想學埋。Joephy話，區內有唔少街坊都係需要用手語溝通，有次一位用手語溝通嘅街坊入咗醫院，令佢有學手語嘅打算。
方便溝通做翻譯
話說Joephy平日同入咗醫院嗰位街坊都係透過寫紙仔溝通，嗰位街坊仲將佢列為緊急聯絡人。當個街坊入醫院時，院方第一時間就通知佢，加上院方同個街坊都有溝通上問題，要透過佢去解決。有見及此，Joephy就萌生學手語嘅念頭，等下次有同類事件發生時都可以幫忙用手語做翻譯。
落區忙爆仍抽空
不過，身為區議員，平時落區服務街坊都已經夠忙，連休息時間都未必有。Joephy坦言，依家除咗自己區嘅工作，仲要處理好多其他事務，但為咗街坊都希望有時間學成手語。