政府計劃在三個地點推行釣魚區試驗計劃，但就惹來爭議。海濱事務委員會成員何文堯尋日話，雖然政府嘗試做好事，但概念同處理手法上有改善空間。佢又話，中環海濱長廊嘅釣魚區工程費用預計三百五十萬元，每年經常開支約九十萬元，認為金額太高，唔釣魚嘅市民會質疑係咪需要花費呢筆公帑。話時話，其實依家市民會分散到唔同地方釣魚，有冇釣魚區都係咁釣，更有講法話真正釣魚嘅人亦唔會去釣魚區，唔知釣魚區嘅作用何在呢？
