中環出更：漢奸黎家門外 賣港罵聲不絕
外界對壹傳媒不滿嘅聲音不絕，自旗下刊物《壹週刊》遭霸王國際集團控告誹謗同索償，《壹週刊》被判敗訴後，外界對壹傳媒嘅抗議更係日復日不間斷。尋日再有大約三十名自稱「撐『霸王集團』關注組」的人士拉隊去到壹傳媒黎智英（漢奸黎）何文田寓所門外示威，佢哋拉起橫額，高呼「打倒黎智英」、「千古罪人黎智英」等口號。
30男女前門鬧完後門鬧
尋日朝早大約十一點，大約三十名聲稱自發參與嘅男女拉隊去到漢奸黎寓所出面示威，佢哋拉起印有「撐『霸王集團』關注組 打倒漢奸黎××賣國賊」字樣嘅橫額，同埋舉起印有「賣國賊黎智英」、「漢奸最無恥」、「黑金禍港黎智英、賣國賣港遺臭萬年」等字樣嘅標語，又高呼「打倒黎智英」口號幾次。示威者之後轉到漢奸黎寓所後門繼續嗌口號，但喺警員到場之前就自行和平離開，整個過程持續大約十分鐘。
近嚟針對漢奸黎嘅示威行動不絕，自上月十日起，到佢寓所同將軍澳壹傳媒大樓示威嘅行動最少有廿七次，當中自稱霸王國際集團員工同苦主嘅佔十次、正義聯盟佔三次，而包括旅遊業界同其他人士嘅則有十四次，漢奸黎可謂永無寧日。