政情：公民講場：小志遇覆核捉港獨變捉蟲

近年港獨思潮冒起，中文大學日前公布一項民調結果更顯示逾一成七受訪者支持港獨，唔少主張港獨嘅團體都希望乘勢進入立法會。為堵截主張港獨嘅人士參選，選舉管理委員會要求參選人簽署確認書。呢個惹火嘅舉動隨即捲起火球四圍燒，唔單止泛民罵聲四起拒絕簽署，首當其衝嘅本土派更有人入稟法院尋求司法覆核，圖推翻呢個做法，都唔知點收科，仲分分鐘可能禍延至需要推遲投票添！老實講，選管會搞份確認書原本係為咗捉港獨人士，依家反而火燒身，負責選舉事務嘅政制及內地事務局局長譚志源今鋪真係捉蟲！