政情:立會煞科夜 陳家洛返波蘭

今屆立法會七月中曲終人散,表明唔會競逐連任嘅陳家洛,竟然缺席最後一夜嘅議員大合照,究竟去咗邊呢?有人話陳家洛喺當晚漏夜返咗波蘭會合老婆及四女一子。其實陳家洛早已向記者聲稱,自己好怕出席離別場合,所以唔會出席大合照。

成個暑假湊女陪伴家人

據聞陳家洛成個暑假都會留喺歐洲,事關佢已經為一對孖女安排參加喺倫敦嘅繪畫班及戲劇班,兩公婆會管接管送,亦需要幫九月入讀英國大學嘅二女處理入學事務。如今卸任議員一職,陳家洛可謂無事一身輕,可以多啲時間陪伴家人喇。

第一手消息請下載on.cc東網iPhone/iPad/Android/Windows Phone Apps