政情：八網難逃：有朋自美方來 葉劉收牙膏

有朋友去旅行，想要啲乜嘢手信呢？通常都係要啲有紀念性嘅嘢，點估得到有人想要牙膏o架！行政會議成員葉劉淑儀尋日喺facebook上載咗張相，係佢喺史丹福大學留學時嘅同學Selina送畀佢嘅一排五支嘅牙膏手信。咁搞笑？葉劉話Selina一家六口早前喺美國三藩市來港旅遊，Selina問佢想要乜嘢手信，佢直言買幾支牙膏，事關喺美國貨倉式超級市場，日用品價錢比香港超市便宜得多，喺香港買一支牙膏嘅價錢，喺美國已經夠買五支，所以每次葉劉有朋友喺美國來港，都會叫佢哋帶啲日用品嚟嘅。