茶餐廳人情味 電話可借用
【專案組報道】今時今日走在街上，每人都手握一部智能電話，如遇到有人問你「借電話」，大家會否感到愕然？回到未有手機時，差不多每間茶餐廳都放有電話借予公眾使用，在手機當道的年代，記者發現仍有茶記提供固網電話給客人，除因為一直安裝而未有拆掉外，是否還有其他原因？
位於長沙灣青山道的新華茶餐廳，開業至今已五十年，店內掛牆電話及櫃台電話各一，前者人人皆可使用，後者則為輔助餐廳運作。餐廳第二代傳人、接手已三十多年的柯老闆（Ben哥）解釋，過去未有電話，人人都倚賴固網電話與人聯繫，因此自開業已設掛牆電話，主要供夥計的家人、朋友聯絡。在需要「通街借電話」的年代，電話亦免費借予食客、街坊使用。
老闆：做生意不應利字行頭
「仲有人會用o架，咩人都有，間唔中都有啲手機冇電、跌咗電話嘅人入嚟借用，而且呢度係舊區，好多人收入唔高，冇手提電話。」Ben哥指，數十年來該店做街坊生意，累積了很多熟客，保留電話只為「益街坊」。他認為，過去的社會「冇咁功利」，希望舊式茶餐廳能保留這種人情味。Ben哥強調，做生意不應「利字行頭」，即使多年來不乏發脾氣、大力拍爛電話的客人，仍堅持要將電話借予公眾。