香港電台因高層升遷問題陷入一片亂局！話說港台助理廣播處長（電視及機構業務）陳敏娟署任一年仍未能坐正一事，要求處方交代，尋日就舉行員工大會，由廣播處處長梁家榮親自解畫。但港台製作人員工會會後批評，梁家榮多次以人事問題，不宜公開討論為由，唔肯交代唔畀陳敏娟坐正嘅原因，對此感到失望。反而梁家榮仍然自我感覺良好，仲改編歌曲《獅子山下》幾句歌詞「我哋相遇在RTHK（港台），應放開彼此心中疑慮，理想一起去追」，班員工聽完，真係唔知笑定喊好！
