中環出更：上門聲討漢奸黎 20人怒斥「毒媒禍港」
聲討壹傳媒黎智英（漢奸黎）嘅行動一浪接一浪。約二十名男女尋日下晝前往漢奸黎位於何文田嘅寓所外，高舉寫有「毒媒禍港、黑金禍國」等示威標語，更怒斥漢奸黎「賤格、無血性」。
該等示威者聲稱今次行動係自發性，唔屬於任何政黨或組織。示威者約於下午二時四十分抵達漢奸黎寓所後，手持「毒媒禍港、黑金禍國」及「黑心黑金黎智英人賤格、可恥漢奸肥佬黎無血性」等標語作無聲抗議，直至三時五十分左右，示威者大叫：「黑心黑金黎智英人賤格、可恥漢奸肥佬黎無血性」，之後和平散去。
41日內最少23次抗議
針對漢奸黎嘅抗議行動不絕，包括尋日嘅抗議行動在內，自上月十日起計，到其寓所及將軍澳壹傳媒大樓外抗議嘅次數最少達二十三次，當中有自稱霸王國際集團員工及苦主佔九次、正義聯盟佔三次，包括旅遊業界同其他人士則有十一次。
卓妮