跌甩骹留醫睡婆婆退休了

昨午十二時許，鄰近報檔的鎖匙舖老闆娘余女士，帶備食物到醫院探望「睡婆婆」，婆婆雖精神欠佳，但仍對答如流，惟未見其女兒探望。「睡婆婆」對此未感失望，反稱「個女唔得閒嚟，唔好叫佢嚟見我。」

「得番一隻手 做唔到喇」

「睡婆婆」透露，本周一不慎差錯腳跌落坑渠，致左肩甩骹入院，在矯形及創傷外科留醫，左肩已照過X光，未知有否骨裂，亦不清楚何時痊愈出院。她無奈稱「一隻手跌傷，得番一隻手做嘢，做唔到喇，我會同阿媽（已過身）講，自己年紀大，守唔住喇，正式退休喇，報檔正式結業喇，會將個牌畀番政府。」對於日後生計，婆婆坦言不欲住安老院，「最好住公屋，但自己冇能力照顧自己，最終都要睇吓社工點安排。」

「睡婆婆」入院後，已即時通知行家轉告發行商不再訂報紙，惟昨晨仍有數十份報紙送到報檔，不少老顧客如常到檔口買報，因不見婆婆而議論紛紛，當得悉婆婆住院及退休，均祝願她早日康復。有街坊稱「佢都幾十歲，要休息喇，唔好做喇！」客人亦以自助方式，放低碎銀取走報紙。有行家發現婆婆報檔堆積報紙，遂將報紙拿到自己報檔代售，「收咗報紙就要畀錢，唔賣點有錢畀發行商。」

日曬雨淋 街坊感到心痛

報檔附近涼茶舖東主劉先生表示，前日早上十時開舖見婆婆精神欠佳，才知前一晚她跌傷左肩，因不見有人接她睇醫生，遂聯絡社署將婆婆送院。社工又向他要了婆婆的銀行帳戶，替她將報檔檢走的現金存入銀行。他又稱，婆婆看守報檔日曬雨淋，食不好睡不好，今次終可退休，着實替她高興。經常送食物的街坊何先生指出，見婆婆「冇啖好食冇覺好瞓」好心痛，她決定結束報檔亦戥其開心，稍後會到醫院探望。

社會福利署發言人表示，油麻地綜合家庭服務中心人員得悉婆婆跌傷後，已即時安排她到醫院就醫，在婆婆同意及在該署社工協助下，有熱心街坊替婆婆整理報檔物件及把部分現金存入銀行。該署會繼續跟進婆婆的需要及提供協助。