政情：公民講場：貪湯羅崇文被批「最爛證人」

立法會政府帳目委員會尋日就審計署揭發差餉物業估價署追收差餉地租不力開記者會，兼回顧帳委會過去四年嘅工作。被問到咁多年嚟有乜個案係最印象深刻，帳委會成員梁繼昌（Kenneth）同謝偉俊都異口同聲話，對「貪湯」前廉政專員湯顯明同民航處前處長羅崇文嘅調查係最上心同最關注，報告所用嘅批評字眼亦「特別兇狠」咁話。Kenneth仲封「貪湯」做「最難盤證人」，批評「貪湯」宣咗誓仲「左閃右避、乜都話唔記得」。「貪湯」同羅崇文一個就豪花公帑買酒、宴客，一個就大花筒豪裝民航處辦公室，真係抵佢哋畀帳委會咬住唔放喇！