住屋邨5**嘉男「唔可以畀自己睇死」
【本報訊】單親家庭屋邨仔讀出出頭天！自小遭狠父拋棄、因家庭陰影連走路亦「頭耷耷」，昨接獲六科5**亮麗的中學文憑試佳績時，終一臉自信地高舉成績單與母親合照，基督教宣道會宣基中學中六生林嘉男憑着「唔可以畀自己睇死」的自強不息精神，戰勝「輸在起跑線」的命運：「希望之後讀醫，回饋社會，畀媽咪更好生活！」
母兼父職撐起頭家
居於將軍澳尚德邨的嘉男憶述，爸爸在他小一時拋下他、媽媽及兩名姊姊離去，媽媽母兼父職，在洗衣店兼職「撐起頭家」。林母憶起當年辛酸不禁落淚，指當時面對極大財政困難，嘉男兒時活在家庭陰影中，「細個成日耷低頭行，一定要拖住，我鬆開陣都好驚。但我同佢講，唔係我哋嘅錯，要抬高頭行！」慶幸得教會幫助搬到宿舍暫住，學校答允放學後照顧三名子女，一家始渡過難關。
樂觀的嘉男笑言當年情景十分模糊，僅記得「最唔開心係要用舊書」，坦言因家人的愛和學校鼓勵，即使見到其他同伴有玩具亦未有太大的感覺，他哽咽道：「因為有咁好嘅屋企人，好感恩……」嘉男小二時因童年經歷令成績急挫，但憑着家人支持和學校師長愛錫，自覺「唔可以畀自己睇死」，自小四開始已經「年年考第一」。
物理考5* 料提覆核
別人眼中，他樣樣條件均較遜色，嘉男卻認為：「與其太在意自己有嘅，倒不如發掘未有嘅嘢，突破自己安全區」。他升中後不但積極參與各類課外活動，更兩度競逐學生會主席，並考獲獎學金到國外交流及做義工。為應付文憑試，高峰時日做三份試卷，堅持每晚十二點前睡覺，終在四個核心科、化學及企會財（會計）考獲5**，僅物理考5*，稍後會提覆核，力爭成七科狀元。苦盡甘來，林母望着一臉自信的兒子笑道：「為兒子感驕傲，舒一口氣。」