政情：今日你上鏡：藍精靈作者外孫讚港夠活力

比利時經典漫畫《藍精靈》尋日喺尖沙咀海港城舉行亞洲巡迴藝術展嘅首站，漫畫作者Peyo嘅外孫Nicolas Tytga同公司高層Philippe專程由比利時訪港。今次係Nicolas第二次來香港，佢話好鍾意香港夠晒有活力。好似前晚佢啱啱落機，尋日就馬不停蹄為展覽做宣傳騷，切身感受到香港嘅活力及緊湊嘅步伐。講起一班性格唔同但各有所長嘅藍精靈角色，Nicolas笑言小時候最鍾意同佢一樣戴眼鏡嘅智多星，但長大之後就鍾意由松鼠養大嘅小野人，因為喜歡佢夠晒古靈精怪、無拘無束喎！