退休醫生重投公院

減前線壓力 傳承經驗

葉超然醫生七八年畢業於香港大學醫學院，在明愛醫院工作了三十年。不少人認為退休後要享受生活，悠閒地過日子，但葉醫生說︰「退休時六十歲，仲好健康、有活力，唔做嘢會好悶。決定留喺明愛，呢度好似第二個家，有好多感情。當初只選明愛一間醫院，但醫管局點都要我選多兩間。」

深水埗屬老人社區，六十五歲以上長者佔當區一成六人口，附近有八十六間安老院，醫療服務需求大。葉退休前為內科及老人科顧問醫生，現在明愛老人科日間醫院由他一人主理，一周工作五天半，每日照顧約六十名病人，一眼關七。他預計隨着人口老化，長者的醫療需求愈來愈大，未來需要更多老人科專科醫生，「自己留喺基層，可發揮所長，幫手照顧長者，又可將經驗傳授醫生」。

62人獲醫管局重新任用

截至今年六月，共有六十二名退休醫生獲醫管局重新招聘，包括內科、外科及兒科等。葉醫生笑說︰「醫生係醫人，唔係做行政。以前做主管時要經常開會，又要預備會議文件，一心多用；依家可以專心做臨床工作，搵番晒做醫生的樂趣，返工放工都諗點樣醫人，嗰份滿足感唔係金錢可以填補。」他期望未來老人醫療服務模式可更好發展，讓老有所依。