小說有祝英台扮男仔讀書，亦有女演員因為劇情需要而反串扮男仔演出，喺日本就有唔少呢類團體，包括舞台界嘅名牌「寶塚歌劇團」，另外亦有中野腐女子Sisters，索到爆燈嘅京本有加就係其中一位成員，最近佢決定唔再扮男仔，回歸女兒身喇！
家陣形容啲女仔索到啪啪聲，猶如天使下凡咁吸引，會話佢有仙氣，取其天仙咁靚女嘅意思。老實講，本地影視女星冇一個令我Feel到仙氣，因為佢哋多數都屬於俗氣滿瀉一族，反而日本寫真界就唔同，仙氣爆燈嘅女優相當多，例如原幹惠、片山萌美、辰巳奈都子都係仙氣十足嘅女神。不過，自古有正亦有邪，寫真界也有邪氣十足嘅女優，京本有加就係其中一位喇！
30歲嘅京本有加雖然係正宗日本大和美人，但唔知點解個樣睇落就硬係有少少似鬼妹仔，氣質獨特，五官標致迷人之外，仲散發出一股邪氣，呢股邪氣令佢睇落沉鬱，卻又似正在伺機而發，相信大家都會認為呢種女仔最難應付，不過男人天不怕地不怕，一向都鍾意向高難度挑戰，故令大家對佢寵愛有加。
由於有加面孔帶邪氣，膚色雪白剔透，白到幾乎冇血色，加上佢聲稱喜歡研究妖精，故業界封佢為美女妖精。有加出道拍寫真以來，星途相當唔錯，2007年參加選美比賽「ZAK THE QUEEN」成功奪得冠軍殊榮，亦參與過好多電視台綜藝節目如《不可思議偵探團》，2009年更加榮升女主角主演電影《很酷的2人》。
而講到最令人津津樂道嘅係有加反串扮男仔嘅演出喇！初出道嘅時候，佢獲邀請加入女扮男裝團體「中野腐女子Sisters」，仲改埋個男仔名叫綠川狂平。直至今年4月踏入30歲，有加決定回復女兒身唔再扮男仔，仲推出粉絲期待已久嘅寫真DVD作品，將收藏多年嘅女人味同邪氣盡情釋放，作品備受好評。現時有加除咗拍寫真，仲會致力向舞台界發展，舞台劇作品包括《Hands Up》等，認真多才多藝。
簡介：京本有加成日都會喺Twitter上載自拍照，雖然唔一定係性感登場，但係每張相都散發出迷惑男人心嘅邪氣，小心畀佢迷暈呀！
網址：https://twitter.com/kyomo_y?lang=ja
年齡：30歲
身高：5呎1吋
三圍：32D-23-34
撰文：賢