政情：六合彩監場 黃傑龍累妹失「三獎」

叙福樓集團執董黃傑龍（Simon）前日於社交網站貼文，講起早兩日首次現場監察六合彩攪珠，雖然好多手續，但過程順利。不過，佢事後就收到阿妹嘅短訊，大呻自己一向買開六合彩，仲買開自己同老公嘅生日日期號碼，但當日就因為Simon要去監場，阿媽叫佢唔好買，唔係中咗獎被人話佢哋有關係就唔好喇！點知佢阿妹今次真係中咗五個字三獎，大嗱嗱無咗一萬九千二百元獎金。