銅鑼灣書店店長林榮基返港後連日被傳媒追訪，至今在港藏身之處仍未曝光，原來除咗民主黨立法會議員何俊仁（AV仁）陪伴左右，佢黨友單仲偕亦有擔當保鏢兼司機嘅角色。單仲偕尋日忽然大爆保護林榮基內幕，包括於首日記者會結束後，先接載林榮基同AV仁到跑馬地馬會會所「扮食飯」，然後由另一黨友涂謹申駕車成功將林接走，隨後兩日就分別試過擺出「空城計」停車堵路，及以多部私家車掩護等招數。究竟單仲偕爆料有咩好處呢？莫非佢覺得扮「特工」好high、好威？
