綠色先鋒：「GIVE BOX」 無規無矩 體現自律
大部分環保或社區團體舉辦食物和剩食回收活動，均動員人力到處收集食物，再分發到有需要的團體，不過Hang Shuen卻選擇反其道而行，設立實體分享站，全因她於德國生活時遇到的「GIVE BOX」。
「當時啱啱去到德國，試過拎碗碟，又試過拎衫用嚟當布，車啲小飾物，聖誕節仲試過拎到一啲節日裝飾添。」Hang Shuen憶述，「GIVE BOX」以木搭成，雖然沒有人監督，亦沒有任何規矩，但物品永遠排列得井然有序，街坊非常自律，「嗰個係一個模範嚟，希望將來香港都做得到。」
除了實體站，Hang Shuen亦為「社區雪櫃」設立社交網站專頁，在網上公布計劃的最新消息及活動資訊，「有一次我哋喺網上update吓近況，話用咗雪櫃入面一啲瓜菜嚟煲粥派畀街坊食，反應好好，仲有網友話可以捐啲碗畀我哋添。」