中環出更：熱辣辣名人遊埠減減壓

早前靚女高音歌唱家周旋假深灣遊艇會為愛女Sophia擺滿月酒，眾多名流好友齊去食紅雞蛋、沾喜氣，包括太子珠寶鐘錶主席鄧鉅明（Jimmy）與太太鄧宣宏雁、珠寶設計師劉黃寧達（Leta）一家三口及馬會行政總裁應家柏太太林平（Winnie）等人。漫漫暑假熱辣辣，唔少人都部署去旅行避暑。
劉黃寧達（左）及劉守良（右）有女初長成，女兒劉田齡（中）即將去英國升學。
劉黃寧達（左）及劉守良（右）有女初長成，女兒劉田齡（中）即將去英國升學。

應家柏夫婦會喺馬季煞科後，去法國南部度假減壓歎世界。Winnie話，丈夫日日壓力都好大，要放吓假減壓，佢笑笑口形容丈夫同Jimmy一樣係工作狂喎。

劉黃寧達陪囡囡遊歐美

Jimmy就話，做人最緊要知足常樂，所以趁依家生意淡靜，決定下月闔家與老友坐郵輪去阿拉斯加近半個月，享受涼浸浸嘅北極盛夏。今趟團友大約有廿人，包括博愛醫院前主席林建康及太太林黃寧艷，仲有Leta及丈夫劉守良律師等幾個家庭。

林平（左）將去法國度假，林黃寧艷（右）則參加老友嘅郵輪團。
  • 林平（左）將去法國度假，林黃寧艷（右）則參加老友嘅郵輪團。
鄧宣宏雁（左二）及鄧鉅明（右一）收Sophia做契女，周旋（左三）及丈夫程里全（右二）好開心。鄧太抱住嘅係周旋大仔William。（余素月攝）
  • 鄧宣宏雁（左二）及鄧鉅明（右一）收Sophia做契女，周旋（左三）及丈夫程里全（右二）好開心。鄧太抱住嘅係周旋大仔William。（余素月攝）

Leta今年暑假長達三個月，事關佢女兒劉田齡九月將會去英國升學，所以佢哋今個月底即出門去美國參加夏令營，然後會合老友郵輪團，跟住再去瑞士度假，直至送女兒入學才返港，認真係悠長假期。見到咁多好友計劃出埠玩，坐完月嘅周旋就恨唔到咁多，事關佢又要開始忙於表演工作，亦部署生第三個「BB」，即籌備喺香港開藝術中心，到時就可以完成佢做民族音樂及聲樂教育嘅夢想喇！

卓妮

第一手消息請下載on.cc東網iPhone/iPad/Android/Windows Phone Apps