港區全國人大代表兼立法會議員吳亮星（星爺）年初就銅鑼灣書店股東李波失蹤一事，喺立法會發表「洗頭艇」言論，指書店五子失蹤事件係「搭洗頭艇往大陸嫖妓」，言論惹來一片嘩然，搞到星爺事後要向李波夫婦道歉，但就解釋只為大眾知情權。而近日五子之一嘅林榮基返港大爆「被失蹤」內幕，但星爺就繼續死撐，話林榮基無提及洗頭艇，認為係兩件事，更重申自己只係轉述其他人講法，亦都無話收回有關言論，睇嚟星爺都企得好硬喎！
